Meiboka Kabo Nitopetai Mana

Aninaa  yokadaba gaa kaa tikaa Tahun 2003 kodoo naita nakaa wegategi manakoo koudani, Mee adama, makii adama, makidubakaa totai agiyoudo kouu ewakidatipaiko kou gaa kou  gaatai wegategi nakaa.  Kouda makeko Mee Yokaa, eminoo gaa kaa kei tidaa taitai mana nakoko ikiyakaa umitou koukoo kawedani  tida taitai yuwaa koyokaa  dimi topi, mana wegai kei topi tiya kaa. 

Kouwaikoo topiyai tobe maidakaa topa agiyokou koo begoo yuwaa tipakoo dana ewakidokee tipakoo, keiwaikoo egeidaigaa  Mee beu wagaa tapaigaa  wiyai mana tiyake- tiyakee tete keike  kougaa Meiboo idanaa wadoo kiyakee touyogoo  gaa kouu okai  gaga  tetigo   okaiya manaa yuwida dani Kou koo  koudani  tiyakee kegii  anii egada aniya yagamoo dimii egada, anii egada aniya yokaa egada tiyakee keegii, kouda make koo  okai gaga tiyakee anaa yagimoo, anii yokanee, aniyabageidoo koukoo kadani tiyake umitou titoutai tiyawegi gaa kouya  okai kii adama kiidi kaiya dimi gaa tee koo kou dani, aniya tai koo umina topai kodeya koudo kou koo tekeii titopakoo beu kegi, taidakoo ikikede tedoutopako  meimema kiyadoutou taii, Mee aniya bagee kee bokadato tete Keinoo wegategi nakaa mana, ikiyaka owapa keina toukoo  bee gaikeiga keikeyokaa  wokoo meiya kiyaa kei tigou tai koo beu kaa, akiya owapa akikida doutou akiya taida akikida douto wooko meeidanaka anakeitigoupagi mako beu kaa.

Kou manaido koukoo  naita adama  nakaa kou godategi  nakaa  aninaa  ewo kodeya,  aniya  etikato  gapakiya  eyuu  wemega  nakaa ugapa.
(Penulis mahasiswa aktif kulia di Bali)


                                                                                             By Yohanes Eguwai Jina Tuma Mote
                                                                                                                                       16/2/2016